Yaḥyā ibn Zakariyā katika Uislamu

Yaḥyā ibn Zakariyā (Yahya/John, mwana wa Zakariya), anayejulikana kama John the Baptist, ni nabii wa Mungu katika Uislamu aliyepelekwa kuwaongoza Wana wa Israeli. Waislamu wanaamini kuwa alikuwa shahidi wa Neno la Mungu na alitangaza kuja kwa Isa Al-Masih (Yesu Kristo).

Kutajwa katika Quran

Yahya anatajwa mara tano katika Quran. Anaheshimiwa sana kwa usafi na wema wake, na hekima aliyopatiwa na Mungu akiwa bado kijana. Quran inasema kuwa Yahya alipewa jina maalum na alikuwa wa kwanza kupokea jina hilo.

Kuzalwa na upewa Utume

Alizaliwa mtoto Yahya na kupewa utume akingali mtoto na akainukia kuwa mtu mwema kwa wazazi wake na kwa walimwengu wote kwa ujumla. Alijitoa muhanga kwa ajili ya kulingania Dini ya Allah(s.w).
 

“Ewe Yahya! kishike kitabu (hiki unachopewa) kwa hima kubwa.” Na tulimpa hikima angali mtoto. Na (tukamfanya ni) huruma kutoka kwetu, na utakaso na akawa mcha-Mungu. Na mwema kwa wazazi wake wala hakuwa jeuri ,asi. Na amani ilikuwa juu yake siku aliyozaliwa na siku aliyokufa na siku atakayofufuliwa hai.(19:12-15)

Nabii Zakaria na Yahya(a.s),wote waliuliwa na Mayahud.

Mauaji

Yahya alipingana na Herode Antipa kuhusu ndoa yake ya kuoa mke wa shemeji yake. Herode Antipa alimfunga Yahya gerezani na kisha kumkata kichwa. Kichwa cha Yahya kinadaiwa kuwa ndani ya Msikiti wa Umayyad huko Damascus.