Katika uislamu imekatazwa kutamani kufa hata kama utakuwa ni mtu muovu sana ama mchamungu sana.
UTANGULIZI
Kifohutisha sana na ni chenye maumivu makali yasiyoweza kuelezeka. Kwa hakika kifo kinatisha sana kwani utakapokufa katu hutoweza kurudi tena duniani. Ukweli ni kwamba watu wengi wanaogopa kufa, ijapokuwa wapo ambao inafikia hatua hawaogopi kifo kabisa, lakini pia inaweza kufikia hatua kwa baadhi ya watu mpaka wakakiomba kifo. Hii huwenda ni kutokana na shida na taabu walizo nazo. Lakini katika uislamu IMEKATAZWA KATU KUTAMANI KIFO. Makala hii ni darsa la Hadithi linalokwenda kukueleza yale ambayo Mtume (s.a.w) ameyasema kuhusu kutamani kifo, na ikifikia hatua bora mtu afe kwa shida alizo nazo ana kwa namna nyingine nini aseme.
Makala imeandika wa Al-Ustadh Rajabu Athumani na kusambazwa kwako katika tuvuti hii ya bongoclass. Unaweza kushea Elimu hii ya bure, iwe kama sadaka kwako na kuonyesha juudi zako katika kusambaza elimu ya dini. Kabla ya kuendelea na Darsa hii ningependa kukutangazia kwamba, darsa hizi ni za bure na unaweza kupata kitabu cha darsa hizi ukijisajili kwenye maktaba yetu. Pia tembelea tovuti hii kuna darsa nyingi za dini zinakusubiri.
SABABU ZA KUTAMANI MAUTI
Sifa njema zinamstahikia Allah Mola wa viumbe, sala na amani zimfikie kipenzi wa umma Mtume Muhammad(s.a.w). yeye na sahaba zake. Darsa letu hili tutaanzia na hadithi iliyopokewa kutoka kwa Mtume na Abuu huraira kuwa Mtume (s.a.w) amesema: “Asitamani mmoja wenu Mautu (kifo) ima akiwa ni mwema kwani huenda akazidisha heri ama akiwa ni muovu huenda akatubia.
عنْ أبي هُريرة رضيَ اللَّهُ عنه أَنَّ رَسُولَ اللَّهِ صَلّى االلهُ عَلَيْهِ وسَلَّم قالَ : » لا يَتَمَنَّ أَحَدُآُمُ المَوْتَ إِمَا مُحسِناً ، فَلَعَلَّهُ يَزْدادُ ، وَإِمَّا مُسِيئاً فَلَعَلَّهُ يَسْتَعْتِبُ « متفقٌ عليه، وهذا لفظ البخاري
Kutokana na mafunzo ya hadithi hii kwa nza tunapata kujuwa kuwa:-
Mafunzo ya hadithi hii yapo wazi kabisa. Kwani kwa hakika swala la kutamani mauti sio jambo jema katika dini. Na katika mapokezi mengine hadithi hii imesema kuwa:
لا يَتَمَنَّ أَحَدُآُمُ المَوْتَ ، وَلا يَدْعُ بِهِ مِنْ قَبْلِ أَنْ يَأْتِيَهُ ، إِنَّهُ إِذا ماتَ انْقَطَعَ عَمَلُهُ ، وَإِنَّهُ لا يَزيدُ المُؤْمِنَ عُمْرُهُ إِلاَّ خَيرا
Mtume s.a.w amesema “asitamani mmoja wenu mauti na wala asiyaombe mauti kabla hayajamjia kwani hakika pindi atakapokufa, amali zake zote zinakatika, na kwa hakika hautamzidishia muumini umri wake isipokuwa heri”.
Hadithi hii inazidi kutupatia funzo zaidi kuwa tusitamani kufa na si kutamani tu bali hata tusithubutu kufa, kwani kama tutapewa uhai zaidi na tukiwa wema huenda uhai wetu ukawa ni chachu ya sisi kuzidisha wema. Na kama tukiwa ni waovu huenda tukatubu. Hadithi zote mbili hizi zinatujulisha kuwa kifo hakitakiwi kukitamani wala kukiomba.
Kuna kitu kingine hapa kimeelezwa kuwa pindi tu mtu akifa amali zake zote zinakatika. Yaani kama ni muovu na hajatubia madhambi yake kwa Allah basi hatoweza tena kutubia, na kama ni mwema hatoweza kufanya tena mambo mema. Katika hadithi nyingine Mtume wa allah ameeleza kuwa”atakapokufa mwanadamu amali zake zote (matendo) hukatika isipokuwa matendo ya (amali) aina tatu SADAKA YENYE KUENDELEA, ELIMU YENYE KUPATISHA MANUFAA AU MTOTO MWEMA ATAKAYEMUOMBEA DUA”. haya ni katika matendo ambayo yataweza kutupatisha faida pindi tutakapo fariki.
IKIWA HUNABUDI ILA NI KUFA UFANYE NINI
Wakati mwingine mwanadamu anapata taabu na shida kama maradhi. Maradhi kama ya saratani na mengineyo. Inatokea mpaka mwanadamu kwa maumivu ayapatayo na maradhi yake si yenye kutarajiwa kupona basi kwa taabu na shida anaamuwa kuomba bora afe. Hili pia limekatazwa kwenye uislamu. Lakini mtua akiwa a hali kama hii ama hali ambazo zinafanana na hii na akiwa hana budi isipokuwa ni kufa na akawa anatamani bora afe, basi Mtume s.a.w ametufundisha amaneno ambayo tunatakiwa kuyasema:
وعن أنسٍ رضي اللَّه عنه قال : قالَ رسولُ اللَّه صَلّى االلهُ عَلَيْهِ وسَلَّم : لا يَتَمَنَّيَنَّ أَحَدُآُمُ المَوْتَ لِضُرٍّ أَصَابَهُ فَإِنْ آانْ لابُدَّ فاعِلاَ ، فَلْيَقُل : اللَّهُمَّ أَحْيِني ما آانَتِ الحَياةُ خَيْراً لي ، وتَوَفَّني إِذا آانَتِ الوفاةُ خَيراً لي « متفقٌ عليه
Katia hadithi iliyopokewa na Anas kutoka kwa Mtume (s.a.w) kuwa Amesema Mtume (s.a.w) kuwa “asitamani mmojawenu mauti kutokana na madhara yaliyompata, na ikiwa hanabudi (ila ni kufa ama kutamani mauti ) basi na aseme “ALLAHUMMA AHYINII MAA KANAT ALHAYAAT KHIRAN LII, WATAWAFFANII IDHAA KAANAT ALWAFAAT KHAIRAN LII” (“Ewe Mwenyezi Mungu nipe uhai ikiwa uhai ni bora kwangu na unifishe ikiwa kifo ni bora kwangu”
Hadithi hii inatufundisha maneno ambayo mtu ayaseme kumwambia Allah ikiwa hanabudi isipokuwa ni kuomba kifo. Ukiiangalia vizuri hadithi hii maneno haya yamegawanyika katika vipengele vitatu na kila kipengele kimebeba ujumbe mzito sana. Hebu tuangalie kwa ufupi kabisa hadithi hii vipi tuielewe kwa kupitia vipengele hivi:-
KWA NINI IMEKATAZWA KUOMBA MAUTI (KIFO)?
Kama ukiangalia vyema hadithi tajwa hapo juu ni dhahiri kuwa kuomba mauti kumekatazwa kwa sababu kuu zifuatazo:-
MWISHO
Kwa kufunga darsa ni kuwa uislamu umekatiaza kuomba umauti, kujiuwa ama kuuwa. Leo hii kuna watu wanazidi kutumia dawa za kuuwa watu wakidai eti wanawapunguzia machungu ya maisha. Kuna madaktari wanathubutu hata kumaliza maisha ya wagonjwa kwa kigezo kuwa mgonjwa hatapona na akiendelea kuishi atakuwa kwenye maumivu tuu. Njia hizi zote haziruhusiwi kwenye uslamu.
Ndugu yangu Muislamu, sisi ni waislamu tuliojitolea kwa ajili ya Allah katika kufikisha ujumbe wa Allah. Hatulipwi na yeyote na katika kufanya kazi hii. Uaweza kutuunga mkono katika kuifanya kazi hii kwa kushea elimu hii, ama kuandika makala kama hizi na kututumia, ama kutusaidia kuediti na kuondoa makosa yote ya kielimu na kitaalamu katika tovuti hii. Kazi hii hutalipwa na mtu yeyote, sote tunajitolea kwa ajili ya Allah.
Je! umeipenda hii post?
Ndio Hapana Save post
Rajabu 
Tarehe 2024-05-10 14:53:23 Topic: Fiqh
Main: Post
File: Download PDF
Share On
Facebook
or
Whatsapp
Imesomwa mara 912
Sponsored links
👉1 Kitabu cha Afya
👉2 Madrasa kiganjani
👉3 Sira ya Mtume Muhammad (s.a.w)
👉4 Kitau cha Fiqh
👉5 Simulizi za Hadithi Audio
👉6 kitabu cha Simulizi
TAKBIRA YA KWANZA, DUA BAADA YA TAKBIRA YA KUHIRIMIA SWALA NA KUSOMA ALHAMDU (SURAT AL-FATIHA KWENYE SWALA
2. Soma Zaidi...
Sharti za kusihi kwa funga
Soma Zaidi...
Haki za raia katika dola ya kiislamu
Haki na uadilifu katika uislamu (EDK form 3: Dhana ya elimu ya uislamu) Soma Zaidi...
Haki za nafsi
Haki na uadilifu katika uislamu (EDK form 3: dhana ya elimu ya uislamu) Soma Zaidi...
Biashara haramu na njia zake katika uislamu
Soma Zaidi...
Kumswalia maiti, masharti ya swala ya maiti
Mambo ya faradh kwa maiti ya muislamu (EDK form 2: dhana ya elimu ya uislamu) Soma Zaidi...
Maandalizi kwa ajili ya kifo
Mwanadamu anatakiwa aishi huku akikumbuka kuwa ipo siki atakufa. Hivyo basi inatupata lujiandaa mapema kwa ajili ya kifo. Soma Zaidi...
benki za kiislamu na njia zake za kuingiza kipato
Benki za KiislamuBenki za Kiislamu ambazo hutoa huduma kama benki nyingine zinaendeshwa katika msingi wa biashara na sio ule wa riba. Soma Zaidi...
Nini maana ya riba, na yapi madhara yake?
8. Soma Zaidi...
Kwanini lengo la zakat na sadaqat halifikiwi katika jamii yetu
Nguzo za uislamu (EDK form 3:dhana ya elimu ya uislamu) Soma Zaidi...