Somo la 2: Herufi za Kiarabu

Utangulizi wa somo

Katika somo lililopita tulijifunza maana ya lugha ya Kiarabu na umuhimu wake katika Uislamu. Sasa tunaanza hatua ya kwanza ya kujifunza kusoma Kiarabu, nayo ni kujifunza herufi zake.

Kama ilivyo kwa Kiswahili ambacho kina alfabeti zake, lugha ya Kiarabu pia ina herufi zake maalumu. Ili mtu aweze kusoma maneno ya Kiarabu lazima kwanza azifahamu herufi hizi na matamshi yake.

Usiwe na haraka ya kuzikariri zote kwa siku moja. Lengo la somo hili ni kuzifahamu na kuanza kuzoea kuziona.

Sasa tuingie kwenye somo letu

Herufi za Kiarabu

Lugha ya Kiarabu ina herufi 29.

Herufi huandikwa kutoka kulia kwenda kushoto

Tofauti na Kiswahili, Kiarabu huandikwa kuanzia upande wa kulia kuelekea kushoto.

Mfano:

ك ت ب

Hizi husomwa kuanzia herufi ya kulia kwanza.

Makundi ya herufi zinazofanana

Baadhi ya herufi zinafanana sana kwa umbo. Tofauti yake huwa ni idadi au mahali pa nukta.

Kundi la kwanza

• ب

• ت

• ث

Tofauti yake ni idadi ya nukta.

Kundi la pili

• ج

• ح

• خ

Herufi hizi zina umbo linalofanana lakini nukta hutofautiana.

Kundi la tatu

• س

• ش

Shiin ina nukta tatu juu, Siin haina nukta.

Kundi la nne

• ص

• ض

Dwaad ina nukta moja juu, Swaad haina.

Kundi la tano

• ط

• ظ

Dhwaa ina nukta moja juu, Twaa haina.

Kundi la sita

• ع

• غ

Ghayn ina nukta juu, Ayn haina.

Herufi rahisi kwa mwanafunzi wa Kiswahili

Baadhi ya herufi za Kiarabu zina matamshi yanayofanana na Kiswahili.

Mfano:

Herufi hizi zitakuwa rahisi zaidi kwa mwanafunzi wa Kiswahili kujifunza.

Herufi ngeni kwa mwanafunzi wa Kiswahili

Baadhi ya herufi hazipo katika Kiswahili.

Mfano:

• ث

• ح

• خ

• ذ

• ص

• ض

• ط

• ظ

• ع

• غ

• ق

Tutazijifunza kwa kina katika masomo yajayo.

Jinsi ya kufanya mazoezi

Soma herufi hizi kwa sauti:

ا ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي ء

Rudia mara nyingi mpaka uweze kuzitambua bila kusaidiwa.

Je wajua...

Herufi nyingi za Kiarabu hubadilisha umbo lake kulingana na nafasi yake ndani ya neno. Hata hivyo, herufi inayobadilika ni ileile; kinachobadilika ni mwonekano wake tu. Tutajifunza jambo hili baadaye tutakapofika kwenye kuunganisha herufi.

Hitimisho

• Lugha ya Kiarabu ina herufi 29.

• Herufi za Kiarabu huandikwa kutoka kulia kwenda kushoto.

• Baadhi ya herufi zinafanana kwa umbo lakini hutofautishwa na nukta.

• Kuna herufi nyingi zinazofanana na sauti za Kiswahili.

• Pia kuna herufi maalumu ambazo hazipo katika Kiswahili.

• Herufi hizi ndizo msingi wa kusoma Qur'an na maandishi yote ya Kiarabu.