Historia ya Mtume Muhammad ﷺ somo la 51: Maquarish wanamuendea tena Mzee Abu Talib

Quraish Walipomwendea Abu Talib Tena:

Baada ya kuona kwamba Mtume wa Allah (Rehema na amani ziwe juu yake) alikuwa bado anaendelea na wito wake wa dini, Maquraish walitambua kwamba Abu Talib kamwe hangeweza kumtelekeza mpwa wake hata kama ingeleta uadui kati yao. Baadhi yao walimwendea tena Abu Talib, wakimleta kijana aitwaye Amarah bin Al-Waleed bin Al-Mugheerah, walisema: "Ewe Abu Talib! Tumekuletea kijana mwerevu aliye katika kilele cha ujana wake, umtumie kwa akili na nguvu zake, na umchukue kama mwanao badala ya mpwa wako, ambaye ameenda kinyume na dini yako, amesababisha mfarakano wa kijamii, na ametuharibia mfumo wetu wa maisha, ili tumuue na kukukomboa kutokana na matatizo yake yasiyoisha...."

Abu Talib alijibu, "Hii ni biashara isiyo ya haki kabisa. Mnanipa mwana wenu nimlee, na mnachukua mwana wangu ili mumuue! Wallahi, hili ni jambo la kushangaza sana!" Al-Mutim bin Adi, ambaye alikuwa mmoja wa wajumbe wa ujumbe huo, alikatiza kwa kusema kwamba Maquraish walikuwa waadilifu katika pendekezo hilo kwa sababu "walitaka tu kukuondolea chanzo cha shida hizo zinazochukiwa, lakini kama ninavyokuona, umeamua kukataa fadhila zao." Abu Talib, bila shaka, alikataa matoleo yao yote na akawapa changamoto kufanya lolote walilopenda.

Vyanzo vya kihistoria havielezi tarehe kamili za mikutano hii miwili kati ya Abu Talib na Maquraish, lakini inaonekana inawezekana ilifanyika katika mwaka wa sita wa Utume, huku kukiwa na kipindi kifupi cha muda kati ya mikutano hiyo. Mkutano wa kwanza rejea masomo ya huko nyuma.